Bhavna Rathore (Assistant Professor)

Hello Sir,

Main Bhavna hu, aur mujhe aapko batate hue badi khushi ho rahi hai ki maine NET exam clear kar liya hai! Maine pichle December me aapse video lectures liye the, aur wo meri preparation ke liye ek turning point ban gaye.

Shuruaat me mujhe samajh hi nahi aa raha tha ki preparation kaise shuru karu. Phir maine aapke kuch YouTube videos dekhe aur decide kiya ki mujhe aapke lectures lene chahiye. Sir, aapke lectures ne mujhe bohot help ki. Maine jo notes banaye the, wahi meri success ki foundation ban gaye. Aapke videos me GATE, ISRO aur NET ke last year ke sabhi questions solve karwaye gaye the, is wajah se mujhe aur kuch alag padhne ki zarurat hi nahi padi.

Lekin, unfortunately, last December exam ke kuch din pehle meri dadi saas ka dehaant ho gaya. Iss wajah se main kuch bhi nahi padh payi. Phir maine June me dubara try kiya unhi notes ke saath, lekin sirf 3 marks—1%—se qualify nahi kar payi. Us waqt mujhe bohot demotivation feel hua.

Tab mere husband ne mujhe motivate kiya aur support kiya. Sir, iss baar main pregnant bhi hu aur meri tabiyat bhi theek nahi rehti thi, lekin maine aapke notes ko hi bar-bar revise kiya. Finally, iss baar maine NET exam 50% marks ke saath clear kar liya, aur main ab bohot khush hu!

Sir, main aapka dil se shukriya karna chahti hu. Aapke lectures, guidance aur motivation ke bina yeh possible nahi hota. Thank you so much, sir, for everything!

Dil se shukriya,
Bhavna